Innanlands

Skalvalop í Sandslíð

Fráboðan kom í morgun um, at skalvi var lopin í Sandslíð. Løtu seinni var kavin ruddaður, og tað er aftur koyrandi

(Savnsmynd)

(Savnsmynd)

2023-03-17 08:31 Author image
Sverri Egholm
placeholder

Løgreglan fekk millum 5 og 6 tíðina í morgun fráboðan um, at ein skalvi varð lopin í Sandslíð, og at tað ikki var koyrandi.

Landsverk gjørdi skjótt av, og hálvgun sjey var ruddað burtur, og tað var koyrandi aftur.

Tað er nakað lýggjari í dag enn seinastu dagarnar, og tí er møguleiki fyri skalvi ymstastaðni í landinum.

Í Vági óttaðust tey skalvalop seinnapartin í gjár, og tilbúgvingin var sett í gongd. Mett varð, at tað ikki var vandi fyri húsum, tí um tað leyp, fór tað at raka mitt millum húsini.

In.fo skrivaði í gjár, at skalvur var lopin omanfyri býlingin í Geilini í Vági, men er ikki komin so langt, at skaða er komin á hús.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder