Mentan

Tjóðleikhúsið skal vera bankandi hjartað í tjóðini

Meira tilfar er kunngjørt um Tjóðleikhús Føroya, sum skal byggjast á Bursatanga

(Mynd: Landsverk)

(Mynd: Landsverk)

2023-03-17 14:19 Author image
Sverri Egholm
placeholder

- Tjóðleikhús Føroya skal verða bankandi hjartað í bæði býi og tjóð.

Orðini eru føgur tá Landsverk umrøður nýggja tjóðleikhúsið, sum skal byggjast við Bursatanga.

Tjóðleikhús Føroya skal vera ein mentanardepil, ið er tilvitaður um samskifti og samspæl við umheimin. Her skulu avbjóðandi samfelagsevni takast upp, og húsið skal bjóða til samskifti og kjak um týdningarmikil evni - millum áskoðarar, listafólk, útbúgvingar og granskingarstovnar, skrivar Landsverk í sambandi við at bóklingur er gjørdur um nýggja tjóðleikhúsið. 

Tað skal spegla bæði fortíð og framtíð – og soleiðis gera okkum meiri tilvitað. Um okkum sjálv. Um samfelagið. Og um tann heimin, vit eru partur av.

Fyri at mennast og trívast er tað jú neyðugt við list á høgum støði, sum bjóðar okkum av. Sum skapar og flytir sjálvsfatan okkara.

Lívsgrundarlagið, samleikin, ja, sjálv tilvera okkara, byggir jú á mentanina.

Tjóðleikhús Føroya skal fyrst og fremst verða grundarlagið undir føroysku yrkislistini á palli.

Men tað skal eisini verða opið fyri altjóða og norðurlendskum samstørvum, gestasýningum, turné-teatri og fríyrkisbólkum, áhugaleiklist, kvøldskúlum og ungdómsskúlum.

Umstøðurnar skulu hava eitt støði, ið tryggjar kongaligum leikhúsum nøktandi umstøður.

Tað skal verða eitt vakstrarhús fyri ungar teaturspírar, ið hava hug at trína inn á pallin og gerast yrkisfólk.

Nýggja Tjóðleikhúsið skal styrkja og savna landsins leiklist. Tað skal verða ein partur av einum skapandi umhvørvi, ið elur fram virði og vøkstur – bæði í og uttanfyri húsið.

Les bóklingin her

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder