Skolaði livandi fisk inn yvir býin

Sum nú er, hevur melduródnin Manghkut rakt uml. 5 milliónir fólk og kravt í minsta lagið 64 mannalív.

Ódnin rakti í gjár býin Hong Kong, har hon oyðilegði fleiri bygningar og særdi í minsta lagið 100 fólk.

Eisini reis sjógvurin 3,5 metrar og skolaði inn yvir býin og legði livandi fiskar eftir sær.

Túsundatals ferðafólk vóru eisini strandaði, tí flogvøllurin í Hong Kong varð stongdur, skrivar TV2.

Melduródnin Manghkut er nú ávegis inn yvir Kina, og fleiri fólk eru flutt burtur.