Sverri Egholm
Løgmaður boðaði á fundi í Javnaðarflokkinum í gjár frá, at samgongan hevur tikið avgerð um, at Dalstunnilin skal gerast áðrenn Fámjinstunnilin. Tað visti Kringvarpið seinnapartin.
Hetta var annars ikki tað, sum landsstýrismaðurin á økinum og partamaðurin hjá Akseli V. Johannesen, Henrik Old, ætlaði.
Eg hevði illgruna um hetta, sigur Henrik Old
Hann ætlaði at arbeiðið skuldi fara í gongd heilt skjótt, og verða liðugt móti jólum næsta ár. Nú verður tað ikki fyrr enn einaferð, sigur Henrik Old.
- Eg havi upplivað mangt í politikki, men eg góðtaki ikki at fólk fara aftur um bakið á mær í fíggjarnevndini. Eg hevði illgruna um hetta, sigur Henrik Old við Kringvarpið.
Henrik Old hevði givið Landsverki boð um at fara undir Fámjinstunnilin, men nú eru boðini eini heilt onnur. Hesaferð frá løgmanni.
Tá borgarstjórin í Fámjin fekk boðini um, at Fámjinstunnilin ikki verður gjørdur nú, valdi hann at fara úr nevndini í Suðuroyar Norðara Javnaðarfelag.
- Eg kann ikki sita í einari nevnd, sum umboðar ein flokk sum ger hatta har móti bygdini, eg búgvi í. Tað kann eg ikki, sigur Jóanis Lisberg, borgarstjóri í Fámjins kommunu, við Kringvarpið.
Vinarliga broyt tínar kennifíla - og privatlívsstillingar fyri at síggja hetta innihald