2018-10-12 13:49 
Ari av Rana
Ari av Rana
Tórshavnar kommuna bjóðar nú út leigumálið at reka kaféina í Reinsarínum í Tórsgøtu 3. Raksturin verður boðin út í tvey ár frá 1. desember 2018.
Virksemið í Tórsgøtu 3 fevnir um Reinsaríið og Perluna, ið bæði húsa mentanarligum tiltøkum í býnum. Reinsaríið er eitt rútmiskt spælistað, sum kann nýtast til tónleikatiltøk, framførslur, konsertir, framsýningar og onnur mentanarlig tiltøk, har konsertir og onnur tiltøk verða hildin.
Perlan kann nýtast til ymisk tiltøk saman við Reinsarínum, og tá kann virksemið hjá kaféini eisini fevna um Perluna. Talan kann vera um tiltøk so sum fyrilestrar, fundir, bókaframløgur, móttøkur, konsertir o.a.
Sjálv kaféin er í Reinsarínum. Ætlanin er, at kaféin er opin í sambandi við tiltøk um kvøldið og í vikuskiftunum og tekur sær av almennari skeinking í sambandi við tiltøk í Reinsarínum og Perluni.
Vinarliga broyt tínar kennifíla - og privatlívsstillingar fyri at síggja hetta innihald