Christian í Grótinum landar svartkjaft í Skagen

Christian í Grótinum setti í gjár kós móti Skagen, har skipið skal landa 3.200 tons av svartkjafti.

Christian í Grótinum hevur verið á svartkjaftaveiðu í føroyskum sjógvi hendan túrin, og fiskiskapurin hevur verið hampiligur.

Verkfallið, sum kom í gildi á middnátt, hevur við sær at arbeiði hjá Havsbrún liggur stilt, og av somu orsøk fara føroysku uppsjóvarskipini uttanlands at landa svartkjaftin, sum verður fiskaður í føroyskum sjógvi í løtuni.