Birita skal landa svartkjaft í Karmsund

Uppsjóvarskipið Birita skal landa umleið 2.000 tons av svartkjafti í Karmsund í Noregi.

Birita hevur verið á svartkjaftaveiðu í føroyskum sjógvi, og fiskiskapurin hevur verið góður.

Svartkjafturin verður sum oftast landaður til Havsbrún í Fuglafirði, men vegna verkfallið hava skipini ikki møguleika fyri at landa veiðuna í Føroyum, og fara tí uttanlands at landa.