Fiskavøruútflutningurin minkaður 820 milliónir krónur

Í tíðarskeiðnum september 2023 til august 2024 útfluttu føroyingar fyri 11,9 milliardir krónur, ein góð milliard krónur minni enn undanfarna skeið.

Fiskavøruútflutningurin í hesum tíðarskeiðnum var 11,3 milliardir, sum er 819,7 milliónir - ella nærum átta prosent - minni enn sama tíðarskeið árið fyri, skrivar Hagstovan.

Útflutningurin av laksi, toski og fóðri gongur fram, meðan útflutningurin av øðrum fiskasløgum gongur aftur.

Útflutningurin av laksi er vaksin 587,6 milliónir krónur. Virðið er vaksið við næstan 11 prosentum og nøgdin er vaksin góð 17 prosent.