Jan Højgaard heldur fram sum formaður

Á middegi í dag var freistin úti at stilla upp til formansvalið í Føroya Fiskimannafelag. Tá freistin var úti var greitt, at einans sitandi formaður, Jan Højgaard er í uppskoti. Hann heldur tí fram tey komandi trý árini, skrivar Fiskimannafelagið.

Jan Højgaard, er av Nesi í Eysturoynni, og er 59 ára gamal. Jan vann formanssessin fyrstu ferð á valinum veturin 2006 -2007 og hevur sitið í sessinum síðan.