Ástaðisfundur við Varðan Pelagic á Tvøroyri í morgin

Varðin Pelagic hevur fingið umhvørvisgóðkenning og byggiloyvið til nógv umrøddu útbyggingina á Tvøroyri.

Úbyggingin eru tó kærd til Yvirfriðingarnevndina, sum eigur næsta leikin.

Tað er eisini Yvirfriðingarnevndin, sum skipar fyri ástaðisfundinum á á havnalagnum á Tvøroyri í morgin, fríggjadag 24. januar klokkan 14.

Endamálið við fundinum er at øll viðkomandi sjónarmið verða hoyrd, soleiðis at avgerðin hjá Yvirfriðingarnevndini verður tikin á mest møguliga upplýstum grundarlagi.

Allir borgarar í Tvøroyrar kommunu kunnu møta, seta fram spurningar og vísa á sjónarmið - bæði fyri og ímóti útbyggingini.

Heimasíðan hjá Tvøroyrar kommunu skrivar soleiðis á heimasíðu sínari:

Komandi fríggjadag 24. januar, kl. 14.00 skipar Yvirfriðingarnevndin fyri ástaðisfundi á havnalagnum á Tvøroyri har ætlaða byggingin av protein & lýsuversmiðju hjá P/F Varðin Pelagic eftir ætlan skal verða.

Endamálið við fundinum er at øll viðkomandi sjónarmið verða hoyrd, soleiðis at avgerðin hjá Yvirfriðingarnevndini verður tikin á mest møguliga upplýstum grundarlagi.

Møguleiki verður at seta fram spurningar og vísa á sjónarmið, ið tala ímóti ætlanini, eins væl, sum tala fyri ætlaðu byggingini á havnalagnum hjá P/F Varðin Pelagic.

Tvøroyrar kommuna bjóðar øllum áhugaðum borgarum at verða vælkomin at møta til ástaðisfundin.