Finnur Fríði siglir inn við fullari last

Uppsjóvarskipið Finnur Fríði hevur sett kós móti Føroyum, har skipið skal landa svartkjaft.

Finnur Fríði hevur verið a svartkjaftaveiðu við Írland, og fiskiskapurin hevur verið góður.

Finnur Fríði er higartil eitt av fimm skipum, sum er farið á svartkjaftaveiðu við Írland.

Hini skipini eru Høgaberg, Gøtunes, Fagraberg og Christian í Grotinum.

Finnur Fríði er fyrsta skipið, sum hevur sett kós móti Føroyum síðani skipini byrjaðu fiskiskapin eftir svartkjafti við Írland.

Svartkjafturin verður landaður til Havsbrún í Fuglafirði, har veiðan verður framleidd til mjøl og lýsi og síðani til fóður.