Finnur Fríði siglir heim at landa

Uppsjóvarskipið Finnur Fríði setti í gjár kós móti Fuglafirði, har skipið skal landa svartkjaft.

Finnur Fríði hevur verið á svartkjaftaveiðu í altjóða sjógvi vestanfyri Írland, men fiskiskapurin hevur verið smáligur.

Veðrið hevur verið vánaligt, og tað hevur darvað fiskiskapin nógv, verður upplýst.

Finnur Fríði skal landa veiðuna til Havsbrún har svartkjafturin verður framleiddur til mjøl og lýsi, og síðani til fóður.