Makrellandingar í Kollafirði

Uppsjóvarskipið Norðingur er í kvøld komið á Kollafjørð, har skipið skal landa makrel.

Norðingur hevur fiskað í hetlendskum sjógvi. Fiskiskapurin hevur verið góður hendan túrin. 

Tá ið Norðingur kom á Kollafjørð landaði danska uppsjóvarskipið Asbjørn umleið 600 tons av makreli, og tí má Norðingur bíða til Asbjørn hevur landað.

Asbjørn hevur eisini fiskað í hetlendskum sjógvi hendan túrin. 

Seinastu árini hava fáar landingar verið hjá Pelagos í Kollafirði, men av og á koma skip á Kollafjørð at landa uppsjóvarfisk til matna.