Fýra línuskip landað í Kollafirði

Í Kollafirði hava fýra línuskip landað hesa vikuna, sum hava roynt undir Føroyum.

Jógvan I landaði 150 tons, Stapin landaði 180 tons, Vesturhavið 220 tons og Kambur 220 tons.

Stapin (Savnsmynd: Kiran Jóanesarson)

Nógv tað mesta av veiðuni var toskur og hýsa, umframt at nakað av brosmu og longu eisini var í.

Vesturhavið (Savnsmynd: Kiran Jóanesarson)

Jógvan I, Stapin og Vesturhavið eru øll farin aftur til fiskiskap, og eru farin at fiska undir Íslandi. Kambur liggur framvegis á Kollafirði.

Øll fýra línuskipini eru frystilínuskip, har veiðan verður fryst umborð.

Kambur (Savnsmynd: Gorm Niclassen)