Thor keypt íslendskan trolara

Reiðaríið Thor í Hósvík hevur keypt íslendska trolaran Ljósafell, sum er blivin avloystur av einum nýggjari trolara.

Tað váttar Hans Andrias Kelduberg, reiðari.

Reiðaríið hevur ikki fleiri viðmerkingar í løtuni, men talan er um eitt skip sum er í góðum standi, hóast tað er bygt í 1973. 

Ljósafell er ikki eitt ókent skip um okkara leiðir. Seinastu árini hevur skipið verið og gjørt meginpartin av viðíkahaldinum hjá Mest í Havn.

Hvat skipið er keypt fyri vita vit ikki.

Ljósafell er í skrivandi løtu ávegis til Føroyar, har skipið skal yvirtakast.

Íslendska manningin siglir skipið til Føroyar, og nýggi Ljósafelli er farin til Íslands, og er komin til Fáskrúðfjørð.