Fuglberg og Skoraberg landað gulllaks í Klaksvík

Partrolararnir Fuglberg og Skoraberg landaðu í gjár gulllaks í Klaksvík.

Parið hevur verið á gulllaksaveiðu sunnan fyri Føroyar, og fiskiskapurin hevur verið góður.

Veiðan bleiv landað til Kósina, og síðani koyrd í bilum til Tavuna í Leirvík, har gulllaksurin verður framleiddur.

Parið fór aftur til fiskiskap tá ið liðugt var at landa.