Gamli Kúrberg seldur til upphøggingar

Trolarin Gamli Kúrberg, sum bleiv avloystur í mai í ár, skal nú høggast upp í Danmark.

Gamli Kúrberg er bygdur á Skála Skipasmiðju í 1984, og hevur havt heimstað í Føroyum øll árini. 

Hóast skipið hevur havt heimstað í Føroyum øll árini, so hava tað verið ymiskir eigarar á trolaranum. 

Skipið bleiv upprunaliga bygt sum Vesturvarði, og hevði tá heimstað í Sørvági. 

Seinni skiftið skipið navn og eigarar og fekk tá navnið Edna, men skifti ikki heimstað. 

Fyri nøkrum árum síðani keypti Thor trolaran, sum tá fekk navnið Kúrberg, og heimstað í Tórshavn. 

Seinastu árini hevur trolarin ligið í Esbjerg, og nú er hann seldur til Smedegaarden A/S endar soleiðis sínar dagar í Esbjerg.