Borgarin og Norðingur komin inn við makreli til Pelagos

Uppsjóvarskipini Borgarin og Norðingur eru komin inn við makreli, sum skal landast til Pelagos í Fuglafirði.

Borgarin landaði fyrst, og hevði 140 tons, meðan Norðingur hevði 150 tons.

Bæði skipini hava roynt eftir makreli í norskum sjógvi, har flestu skipini royna í løtuni.

Tá ið liðugt er at landa, verður farið aftur á makrelveiðu.