Eysturbúgvin og Vesturbúgvin landað gulllaks á Toftum

Partrolararnir Eysturbúgvin og Vesturbúgvin komu á Toftir fyrrapartin í gjár, har teir skuldu landa.

Parið hevur fiskað gulllaks sunnan fyri Føroyar, og landaðu trolararnir 170 tons, sum varð koyrd í bilum til Tavuna í Leirvík, sum keypir meginpartin av gulllaksinum. 

Tá ið Eysturbúgvin og Vesturbúgvin høvdu landað, fóru teir til Havnar, har parið tók ís, áðrenn skipini fóru aftur á gulllaksaveiðu sunnanfyri Føroyar.