Váðasteinur mátti sleipast til lands

Seinnapartin í gjár mátti fiskiskipið Váðasteinur biðja um hjálp.

Skipið var statt uml. 30 fjóðingar úr Mykinesi, tá tað fekk maskinskaða, og mátti tað tí sleipast á land aftur.

Vaktarskipið Brimil var hjá skipinum klokkan átta í gjárkvøldið, og klokkan seks í morgun komu tey á Havnina, skrivar Kringvarpið.

Váðasteinur, ið hoyrir heima á Toftum, varð bygdur á Tórshavnar Skipasmiðju í 1977.