Borgarin landar 1400 tons í Fuglafirði

Uppsjóvarskipið Borgarin kom á Fuglafjørð , í morgun, har teir skulu landa.

Teir hava fiskað svartkjaft norðanfyri Føroyar, og hava 1400 tons av svartkjafti, sum teir landa til Havsbrún.

Fiskiskapurin hevur verið smáligur hendan túrin.

Uppsjóvarskipið Norðingur landaði í gjár umleið 1700 tons av svartkjafti til Havsbrún.

Teir eru nú givnir við svartkjaftinum fyri summarið, og liggja á Klaksvík. Tí kunnu vit gita okkum til, at Borgarin nú eisini gevst við svartkjaftinum á hesum sinni.