Innanlands

Toskafiskiskapurin kom ikki upp á helmingin í mun til árið fyri

Uppsjóvarfiskiskapurin var hin sami sum í 2019, bæði í veiðu og virði

(Savnsmynd: Føroyska Sjómansmissiónin)

(Savnsmynd: Føroyska Sjómansmissiónin)

2021-01-28 10:11 Author image
Ingi Samuelsen
placeholder

Í 2020 varð væl minni avreitt av toski fiskaður í føroyskum øki í mun til árið fyri. Nøgdin fall úr 20.291 tonsum í 2019 niður í góð 9.435 tons í fjør, sum er meira enn ein helvtar minking, svarandi til 53,5 prosent. Hetta vísa seinastu hagtølini  frá Hagstovuni.

Nøgdin av hýsu lækkaði ein lítlan fjórðing úr 8.284 niður í 6.320 tons, meðan eitt vet meira av upsa varð avreiddur í fjør í mun til 2019, 20.540 tons móti 18.855 tons í 2019.

Av øðrum botnfiski, sum meira varð avreitt av í fjør, kunnu nevnast eitt nú longa og brosma við ávikavist 21 og 36 prosentum meira enn í 2019.

Avreiðingarvirðið tilsamans minkaði góðar 228 milliónir krónur svarandi til ein fjórðing. Fyri tosk minkaði virðið yvir helvtina, sum var oman fyri 200 milliónir krónur og fyri hýsu ein lítlan fjórðing í mun til í 2019. 

Avreiðingarnøgdin av uppsjóvarfiski veiddur á øllum økjum varð áleið tann sama í fjør sum í 2019. Eins og avreiðingarvirðið eisini varð tað sama.

Nøgdin av svartkjafti og makreli varð nakað hægri við ávikavist 2 og 11 prosent. Tað fekst eitt sindur meira fyri svarkjaftin og eitt sindur minni fyri makrelin. Bæði nøgd og virði á sild minkaðu um 9 prosent. 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder