Innanlands

Fara á pylsuveiðu

Tað eru fleiri sløg av sjópylsu, men teir kønu siga, at tann reyða, sum til dømis fæst á Skeivabanka, er tann rætta, sigur skiparin á Dýrindal

(Mynd: Føroyska Sjómansmissiónin)

(Mynd: Føroyska Sjómansmissiónin)

2021-10-06 19:33 Author image
Føroyska Sjómansmissiónin
placeholder

- Fiskiskapurin á landleiðini í summar var brúkiligur, tí prísurin var góður. Vit hava nærum ikki verið í vinnu síðani, men nú gera vit klárt at fara avstað aftur. 

Tað sigur Aksel Dahl Olsen, skipari, á trolbátinum Dýrindal.

- Vit fara nú at gera royndir eftir trælsrassi/sjópylsu við hummaratroli. Trolið gongur tætt at botni og gapar stutt. Hetta er eitt royndarloyvi, og fiskiskapurin er í samstarvi við Havstovuna, sigur hann.

- Vit vita sera lítið um sjópylsu, og nærum ongar royndir hava verið eftir henni. 

Trolbátarnir hava fingið nakrar, tá teir hava trolað eftir havatasku á Skeivabanka hesa tíðina á árinum og fram móti jólum. Tí fara vit á Skeivabanka at royna, sigur Aksel.

- Tað eru fleiri sløg av sjópylsu, men teir kønu siga, at tann reyða, sum til dømis fæst á Skeivabanka, er tann rætta. Vit hava gjørt onkra smávegis roynd fyrr, men tíðin var alt ov stutt, og tí vita vit alt ov lítið um fiskileiðir, og nær tað er best at veiða sjópylsu, sigur hann.

Sjómanstrúboðarin vitjaði umborð í gjár. 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder