Londini í IEA lata upp fyri oljugoymslunum

Hetta upplýsir stovnurin, nú hann metir avleiðingarnar av krígnum í Miðeystri og støðuna í Hormuz sundinum vera so mikið álvarsligar fyri heimsbúskapin, at okkurt heilt kollveltandi má gerast.

Og tí fara tey 32 londini, sum eru partur av IEA at lata størstu nøgdina av oljuni í goysmlunum út á marknaðin nakrantíð.

Hetta fer tó ikki at røkka langt, um so er, at kríggið heldur fram í longri tíð. Iran hóttir framhaldandi skipaferðsluni í Persiska flógvanum við at leggja minur út og at skjóta rakettir eftir skipum.

Keldur siga, at nøgdin, sum IEA vil lata út á marknaðin er tó ein stokkuttur hiti, tí tær vara bara í nakrar fáar dagar. Prísurin á oljuni, sum eitt skifti var 120 dollarar fyri tunnuna er í løtuni niðri á góðum 92 dollarum.

Hóast avgerðina hjá IEA so heldur kríggið fram og stórur ótti er fyri støðuni í Hormuz sundinum, sum er ein høvuðsæðrin fyri flutningi av olju í heiminum.