Alda Nielsdóttir
Tey londini, sum hava tørv á olju úr Miðeystri eiga sjálvi at ganga á odda fyri at halda Hormuzsundinum opið, sigur amerikanski forsetin, Donald Trump.
– Vit fara at hjálpa til, men tey eiga at ganga á odda fyri at verja tað oljuna, sum tey eru so bundin av, segði Trump í røðu fyri amerikonsku tjóðini í nátt okkara tíð sambært Ritzau.
Vanliga verður umleið ein fimtingur av oljuni í heiminum fluttur gjøgnum Hormuzsundið, men undir krígnum móti Iran, sum byrjaði 28. februar hevur sundið í roynd og veru verið stongt fyri skipaferðslu.
Bert fá tangaskip og flutningsskip eru sloppin at sigla gjøgnum sundið, og hetta hevur havt við sær vaksandi oljuprísir.
Í røðu síni í nátt heitti amerikanski forsetin á lond, sum eru bundin at olju, um at keypa amerikanska olju.
Trump hevur fleiri ferðir seinasta mánaðin heitt á sameind hjá USA um at hjálpa við at tryggja Hormuzsundið, og hevur hann funnist at londum fyri ikki at gera tað.
Vinarliga broyt tínar kennifíla - og privatlívsstillingar fyri at síggja hetta innihald