Agnar Prestá
Krígsstøðan í Miðeystri hevur millum annað ávirkan á oljuprísir kring landið. Her í Føroyum fer nýggja samgongan at lækka oljuavgjøldini fyri at bøta um tí støðuna.
Atlantic Airways hevur framvegis ikki koyrt prísirnar upp vegna hetta, men uttanlands sæst ávirkanin, og í dag hevur KLM boðað frá nógvum avlýsingum vegna hægri oljugjøld.
Tíðindastovan Reuters skrivar, at niðurlendska flogfelagið hevur avlýst 160 fráferðir i Evropa tann næst komandi mánaðin.
- Flogferðirnar loysa seg longur fíggjarliga, skrivar flogfelagið í tíðindaskrivi.
Talan er um túrar til og frá Schiphol, sum er altjóða flogvøllurin í Amsterdam. Talan er um ein av teimum flogvallunum í Evropa við flest fráferðum og komum. Men hóast mongu avlýsingarnir, so er bert talan um ein lítlan part av ferðsluni hjá KLM - umleið eitt prosent.
- Ferðafólk, sum verða ávirkað av hesum broytingunum, verða umbókaði til næsta tøka túr. Tað burdi gingið skjótt í flestu førunum, vil KLM vera við.
Vinarliga broyt tínar kennifíla - og privatlívsstillingar fyri at síggja hetta innihald