Ingi Samuelsen
Knapt 11 prosent av persónbilunum, sum koyra á føroysku vegunum eru nú elriknir. Nýggjastu hagtølini hjá Akstovuni, galdandi pr. 1. juni 2026, vísa, at tað tað nú eru skrásettir 3.119 elriknir persónbilar í Føroyum. Hetta er ein vøkstur á yvir seks prosent í mun til 1. januar, tá talið av elriknum persónbilum var 2.941.
Men stóri vøksturin er á sokallaðum HEV-bilum, tað eru hybrid-bilar, sum koyra bæði upp á el og bensin. 1. juni vóru skrásettir 2.398 bensinHEV persónbilar, og tað er ein vøkstur á heili 12,9 prossent í mun til 1. januar í ár.
Um allir el-bilar verða taldir við – her tosa vit um hybrid- og plug-in-hybridbilar við bæði bensin og diesel motori, so er tað næstan 22 prosent av øllum persónbilunum, sum heilt ella lutvíst hava el sum drívmegi.
Hetta sæst eisini aftur á tølum fyri bensin- og dieselbilar. 1. juni í ár vóru tað 93 færri bensinbilar (persónbilar) enn 1. januar. Talið av diesel persónbilum minkaði við 98 – 111 tilsamans upp á eitt hálvt ár.
1. juni í ár vóru tilsamans 43.184 akfør av øllum slagi skrásett í Føroyum – gott 400 fleiri enn við ársbyrjan. Av teimum vóru 17.636 bensinbilar, 14.224 dieselbilar, 3.353 el-riknir og 2.403 bensin/hybrid.
Vinarliga broyt tínar kennifíla - og privatlívsstillingar fyri at síggja hetta innihald