Trump: Revsitiltøk móti Russlandi kortini ikki sett í gildi

Fleiri revsitiltøk móti Russlandi, sum skuldu koma í gildi í næstum, verða kortini ikki sett í gildi, boðar amerikanski forsetin, Donald Trump frá.

Revsitiltøkini skuldu koma í gildi sambært einum lógarpakka, sum Trump skrivaði undir í september.

Avgerðin hjá Trump um ikki at seta tiltøkini í gildi kortini kemur stutt eftir, at hann gjørdi eina avtalu við russiska forsetan, Vladimir Putin um at fáa meira russiskt diesel á amerikanska marknaðin.

Les eisini: Trump: Russland sleppur at útflyta diesel

Trump hevur eisini funnist at ukrainska forsetanum, Volodymyr Zelenskyj, og hevur m.a. sagt, at ukrainar eiga at fáa nýggjan forseta.

Les eisini: Trump: Ukrainar burdu fingið nýggjan forseta

Lógarpakkin, sum Trump skrivaði undir í september, snúði seg m.a. um at leggja toll á upp til 100 prosent á allar vørur úr teimum fimm londunum, sum innfluttu mest olju ella gass úr Russlandi. Hetta fór m.a. at raka India.

Lógin varð navngivin eftir amerikanska senatorinum Lindsey Graham, andaðist í juli.

Trump sigur, at tað tænir amerikonskum áhugamálum, at revsitiltøkini fyribils ikki verða sett í gildi.