Fótbóltur

Føroyingauppgerð í Vejle í kvøld

Hallur, Sonni Ragnar og Horsens vitja Viljorm.

Tríggir av hesum landsliðsleikarunum kunnu vónandi síggjast á vøllinum í Vejle í kvøld(Mynd: Jens Kr. Vang)

Tríggir av hesum landsliðsleikarunum kunnu vónandi síggjast á vøllinum í Vejle í kvøld(Mynd: Jens Kr. Vang)

2018-11-05 14:25 Author image
Agnar Prestá
placeholder

Tað er ikki langt ímillum Horsens og Vejle í eystara parti av Jútlandi. Í dag tekur liðið hjá AC Horsens leiðina til býin við yvir 50,000 íbúgvum. Har taka Viljormur Davidsen og Vejle ímóti liðnum, ið hevur Hall Hansson og Sonna Ragnar Nattestad á liðnum.

Vejle hevur havt tað trupult í Superligaini í seinastuni. Uppflytararnir liggja næstniðast við 12 stigum. Bæði Vejle og Horsens vóðru sligin út úr donsku steypakappingini í seinastu viku.

Les eisini: Finnur og Erik víðari til kvartfinaluna 

Hjá Horsens gongur tó betri í landskappingini. Í løtuni er liðið hjá Bo Henriksen á 6.plássið, ið gevur atgongd til endaspælið um meistarahetið. Um Horsens fær trý stig í kvøld, so verður ein góð frástøða løgd til OB, Brøndby og AGF, sum øll eru tvey stig aftanfyri og hava leikt ein dyst fleiri.

Sonni Ragnar og Hallur byrjaðu báðir inni í steypadystinum móti AaB seinast. Hallur hevur verið fastur maður í longri tíð. Síðani Sonni Ragnar kom til felagið, hevur høgi miðverjin til tíðir byrjað inni og aðrar dystir á bonkinum. Viljormur er fastur maður á vinstra vongbakki í Vejle.

Dysturin í kvøld byrjar klokkan 18.00. Hann kann síggjast á TV3 Sport og á Viaplay.  

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder