Skála ÍF nýtt búmerki

Starvsnevndin hjá Skála ÍF hevur arbeitt eina tíð við ætlanum fyri felagið næstu árini og sum liður av hesum var tilgongdin at endurskoða búmerki eisini sett í gongd.

Á nevndarvalinum í gjár varð nýggja búmerki kunngjørt og áhoyrarafjøldin upp á gott 40 limir tók sera væl ímóti hesum.

Tað er Sjúrður Højgaard, grafikari, ið hevur sniðgivið nýggja búmerki hjá felagnum.

Búmerkið er ein veðrur inni í einum skjøldri.

Eisini er greitt, at sama nevnd heldur fram. Øll starvsnevndin tók við afturvali.

Í nevndini sita Jóannes A. Prestá, Jógvan Andersen, Rókur V. Nilssen, Steingrím Jacobsen, Petur Anker Poulsen og Sveinur Ellefsen.

Í ungdómsnevndina vórðu valdar Jóna Evindsdóttir Zachariasen og Poula Dulavík Berg.

Nýggja búmerkið hjá Skála Ítróttarfelag