Trettan nýggir venjarar til heilsufótbólt

Trettan “venjarar” tóku lut, tá Fótbóltssamband Føroya í seinastu viku skipaði fyri venjaraskeiði, ið serliga var ætlað teimum, ið standa fyri heilsufótbólti í ymisku feløgunum, sum í løtuni bjóða hetta tilboð.

Hesaferð var skeiðið fyriskipað í Havn, men ætlanin er at hava líknandi skeið aðrastaðni kring landið, og verða hesi á skránni, um undirtøka og áhugi er fyri tí.

Í løtuni eru átta feløg, ið regluliga skipað fyri heilsufótbólti hvørja viku. Talan er um AB, B36, B71, HB, MB, FC Suðuroy, NSÍ og TB, skrivar FSF.

Les meiri um heilsufótbólt her.