Jóannes: - Tá upptúrarnir eru so stórir raka niðurtúrarnir hart

Jóannes Kalsø Danielsen fekk sítt seinna gula kort seint í dystinum í Lille fyri at gera brotsspark.

Tá sá út til at vera ógvuliga hart dømt, og tað er útvísti KÍ-bakkurin samdir í.

- Eri kanska heldur seinir inn har, og hann trekkir innum meg og ja.... Har er kontakt, men eg haldi, at tað er ekstremt lítið. Men dómarin dømir tað so

Tað nívir Jóannes, at KÍ aftur spælir ein góðan dyst og skapar rímiliga nógv móti einum sterkum liði men ikki fær stig burturúr tí. Tó hava seinastu mánaðirnir verið ógvuliga virðismiklir hjá 26-ára gamla klaksvíkinginum og liðfeløgunum:

- Tað er keðiligt nú...men tá man hyggur aftur á tað eina viku, so er tað tað størsta, sum eitt føroyskt lið hevur megnað. Hetta eru upplivingar, sum vit koma at minnast alt lívið, og vit hava skapt eitt sterkt samanhald, sum heldur. Tá upptúrarnir eru stórir, raka niðurtúrarnir tó hart.

Sí eisini: Trý brotsspørk og 3-0 í síðstu royndini

UEFA Europa Conference League, bólkur A
6. og seinasta umfar - í dag, hósdagin 14.12
 
LOSC Lille - KÍ 3-0 (1-0)
29' Yusuf Yazici, br. 1-0
87' Angel Gomes, br. 2-0
90(+5)' Edon Zhegrova, br. 3-0

Reyð kort: Jóannes Kalsø Danielsen (86') og Jákup Biskopstø Andreasen (90 +5')

KÍ (5-4-1): Nils Jonathan Johansson - Jóannes Kalsø Danielsen, Heini Vatnsdal (59' Børge Petersen), Odmar Færø (59' Deni Pavlovic), Vegard Forren, Patrick Da Silva  - Árni Frederiksberg, René Shaki Joensen, Jákup Biskopstø Andreasen, Claes Phillip Kronberg (72' Ahmend Latif) - Sivert Gussiås (80' Páll Klettskarð)

Slovan Bratislava - Olimpija Ljubljana 1-2 (1-1)

Endaliga støðan í bólkinum 
1. LOSC Lille 14 stig
2. Slovan Bratislava 10 stig
----------------------------
3. Olimpija Ljubljana 6 stig
4. KÍ 4 stig

Tvey tey ovastu liðini komu víðari