Føroysku menninir taptu tepurt fyri Íslandi í Silvurliguni

Silver League, menn:
Ísland – Føroyar 3-1 (25-21, 24-26, 25-22, 27-25)

Í Digranesi í Íslandi góvu Føroyar Íslandi skarpan gang í silvurliguni, men eftir at Føroyar í triðja setti vóru komnar afturíaftur og høvdu javnað til 17-17, eftir at hava verið aftanfyri 3-12, og síðani spældu seg til settbólt, vann Ísland kortini settið 27-25 og dystin 3-1.

Í fyrsta setti var javnt til 16-16, tá íslendingar vunnu trý stig á rað og síðani vunnu settið 25-21.

Í øðrum setti fór Ísland framum 9-6 við fimm stigum á rað, eftir at Føroyar høvdu verið á odda 6-4. Ísland sá út til at megna at halda munin, sum gjørdist 19-14, men Føroyar bardu seg innaftur í settið og javnaðu til 20-20. Støðan gjørdist eisini 24-24, og tá vunnu Føroyar neyðugu tvey stigini og settið 26-24.

Tó gekk av skriðuni í fyrstani í triðja setti, og Ísland fór framum 9-2, men spakuliga ótu Føroyar av íslendsku leiðsluni, soleiðis at munurin minkaði niður í bert eittans stig við støðuna 20-19. Føroyar vunnu aftur ein bólt, so støðan gjørdist 22-23, men Íslandi stóð trýst-royndina og vann settið 25-22.

Gekk illa í fyrstani í triðja setti, so var hvaðna verri í fjórða, har Ísland legði seg á odda 12-3, men knotur eru í teimum føroysku, sum við seks stigum á rað minkaðu um munin niður í 12-13 og javnaðu til 17-17. Føroyar fingu eisini settbólt við støðuna 24-23, men Ísland hóraði  undan og fekk sjálvt settbólt við 25-24. Føroyar yvirlivdu í fyrstu syftu, men so vann Ísland næstu tveir bóltarnar og settið 27-25 og dystin 3-1.

Í dag kl. 17 spæla Føroyar annan dystin í kappingini ímóti Ísrael. Eisini tann dysturin verður spældur í Íslandi.

Føroyska landsliðið:
Thorvald Danielsen, Mjølnir
Vuk Ilic, ÍF
Filip Ilic, ÍF
Bjarni Joensen, Ikast KFUM
Jóhan Arni Elison Wang, Mjølnir
Hjørtur Joensen, SÍ
Ingálvur Eyðunsson Olsen, Fleyr
Hákun Nón, ÍF
Tóki í Haraldssovu , SÍ
Elias Ellingsgaard Petersen, SÍ
Tórður Højsted Gunnarsson, Fleyr
Ólavur Johannesen, Mjølnir
Símun Hoydal Poulsen, Mjølnir
Silas Poulsen, SÍ
Áslakur Petersson Holm, Hvidovre VK
Hákun Heinason, Amager VK

Venjari: Boban Ilic
Hjálparvenjari: Oleksandr Dmytriiev

--------

Kvinnurnar spæla í í dag ímóti Georgia kl. 17. Tann dysturin verður spældur í Montenegro. Georgia var eisini mótstøðulið í Silvurliguni í fjør, og tá vunnu Føroyar heimadystin 3-1. Útidysturin varð taptur 3-0.