Bert ein sigur í átta bólkaspælsdystum undir Hjulmand

Tað síggjast væl fleiri danskar landsliðstroyggjur í býarmyndini í Keypmannhavn í dag. Dannebrog hongur úr mongum vindeygum í háhúsum, og eitt veruligt landsliðshuglag hómast í góðveðrinum í danska høvuðsstaðnum.

Í kvøld klokkan 21 lokala tíð fer "Det er et yndigt land" at runga á Allianz Arena í München. DBU væntar umleið 20.000 danskar áskoðarar, og milliónir fara at fylgja við í Danmark. Stór upphiting er eisini í München í løtuni, har lagið er gott, og størsti trupulleikin er langar øl-bíðirøðir, skrivar TV2.

Tað er ikki neyðugt, at Danmark vinnur í kvøld fyri at koma víðari. Hetta er greitt eftir at bólkur A og B eru av. Javnleikur móti Serbia tryggjar dønum í minsta lagi pláss í áttandapartsfinalunum sum ein av bestu trý'arunum. Helst er tað nóg mikið til annaðplássið, tí Slovenia spælir móti Onglandi, og Serbia er aftanfyri Danmark í løtuni. Tað kann geva stórar trupulleikar - ein sigur gevur 1. ella 2. pláss.

Eriksen og Walker hava hvør sítt at spæla fyri í kvøld (Mynd: EPA)

Tá Anders Christensen lyfti takið av Parkini í 2021. 3-1 málið so gott sum vissaði sigurin móti russum og skapti eina "tjóðarøsing" í Danmark. Hetta málið gav dønum umráðandi skmup mótvegis EM-gleimi. Hetta er einasti bólkaspælssigur higartil undir Kasper Hjulmand (Mynd: EPA) 

Sí eisini: Lagnan hjá Danmark verður greið í dag

Kasper Hjulmand hevur ikki framúr hagtøl í bólkaspælsdystum undir endaspølum. Í EM í 2021 spældi Danmark allar dystirnar á heimavølli. Tað endaði við tapum móti Finnlandi (0-1; undir serligum umstøðum) og Belgia (2-1) áðrenn tað brast fyri nev í 4-1 sigrinum á Russlandi. Hetta sendi Danmark víðari í EM, og dreymurin brast ikki fyrrenn í longdari leiktíð í hálvfinaluni á Wembley. HM í Katar var ein vanlukka fyri Danmark: Eitt stig í trimum dystum, vánaligt spæl og tíðliga heim í skomm.

Higartil hevur Danmark spælt tveir javnleikir í EM-endaspælinum í Týsklandi. Harvið átta bólkaspælsdystir undir Hjulmand og ein sigur. Í donskum miðlum og millum danir á sosialu miðlunum verður mest skrivað um, hvørjum Danmark skal hitta í áttandapartsfinalunum. Men tað snýr seg fyrst um at fáa eitt brúkiligt úrslit móti svongu serbunum, sum skulu vinna dystin í München.

Hægri krøv í Onglandi

Í mun til gleði í Danmark, var tað stórt ónøgdesemi eftir 1-1 javnleikin í Onglandi um javnleikin landanna millum í Frankfurt hóskvøldið. So mikið nógv at Declan Rice og liðformaðurin Harry Kane partvíst hava svarað hørðu atfinningunum aftur alment. Lyklaspælararnir hava mint viðmerkjarar og enska fólkið á at vera jalig og stuðla liðnum undir endaspælinum - tó at teir eisini viðurkenna, at spælið skal betrast.

Onglendingar skulu ikki fella so langt aftur á vøllin og fella í stigi sum móti Serbia og Danmark, og rætti javnvágin skal finnast, er dómurin. Hvussu kunnu so góðir spælarar ikki eydnast í stórum endaspælsdystum, spyrja nógv, og peikað verður eftir Gareth Southgate. Landsliðsvenjarin hevur staðfest, at Ongland helst skal vinna EM nú. Hann ger sambært bretskum miðlum helst eina broyting til dystin móti Slovenia - Gallagher fyri Alexander-Arnold á sentrala miðvøllinum.

Um Ongland vinnur í kvøld og harvið vinnur bólkin, so er vegurin EM-finaluna rímiliga væl slættaður. Tó skal annað spæl til - liðið hjá Southgate er víðari í bólkinum, men tað merkir ikki, at trýstið er minkað nú. 

Southgate hevur verið fyru hørðum atfinningum seinastu dagarnar - nú er Slovenia á skránni (Mynd: EPA)

EM 2024 - triðja og seinasta umfar í bólkaspælinum
Í dag, týsdagin 25.06

Bólkur C:
Ongland - Slovenia (DR2/DR TV)
Danmark - Serbia (KVF/DR1)

Báðir dystirnir byrja klokkan 20.00.

1. Ongland 4 stig *
2. Danmark 2 stig
3. Slovenia 2 stig
4. Serbia 1 stig

* Víðari

-----------------------------------------

Bólkur D:
Niðurlond - Eysturríki (DR2/DR TV)
Frakland - Pólland  (KVF/DR1)

Báðir dystirnir byrja klokkan 17.00

1. Niðurlond 4 stig *
2. Frakland 4 stig *
3. Eysturríki 3 stig
4. Pólland 0 stig

* Víðari