![placeholder](https://roysni.fo/css/img/banner2x1.png)
Malmø, Svøríki (Portalurin) KÍ hevði meir tol í seinna hálvleiki og var róligari á bóltin. Malmö FF skifti taktikk og í seinna hálvleiki var ikki koyrt líka nógv uppá umstilling. Heldur skuldi tað vísa seg at verða langskot, heimaliðið satsaði uppá.
Les meira um fyrra hálveik HER
Í 58. minutti var ein heldur løgin støðgur í spælinum. Eitthvørt var áfatt við hooligansbólkinum Brigada Malmö, men løgreglan á staðnum fekk skjótt steðga løgnu hendingini.
Árni Frederiksberg skoraði í 71. minutti, eftir at Jóannes Kalsø Danielsen var skjótur at fanga ein skeiva sending langt inni á Malmö-hálvuni. Høgri vongbakkurin fann høgra vongin, og Árni skoraði sítt níggjunda Champions League mál seinastu í sínum seinastu níggju málum. Eingin føroyingur hevur yvir níggju evropeisk mál fyri føroysk feløg - Árni er nú javnur við liðfelagan Páll Klettskarð og Levi Hanssen.
Málið gjørdi tó lítið av muni í uppgerðini, tí eitt lítið korter seinni skoraði innskifti Søren Rieks til 4-1 til Malmö FF.
Hareftir var ikki nógv at gera hjá klaksvíkingum og gjørdist endaliga støðan í fyrra dystinum sostatt 4-1. Tað verður ógvuliga tungt at venda hesum hjá KÍ til seinna dystin, sum verður við Djúpumýru um tríggjar dagar.
Dagført og rættað: 24. juli 2024, kl. 00:21
Champions League 2. umfar, fyrri dystur
Eleda leikvøllurin, týsdagin 23.07
18.00: Malmö FF - KÍ 4-1 (3-0)
Stroyming: tv.ki.fo
Portalurin hevur fólk á staðnum í Svøríki, og vit hava ymiskt tilfar eftir dystin.
Vinarliga broyt tínar kennifíla - og privatlívsstillingar fyri at síggja hetta innihald