U15-genturnar endaðu við sannførandi sigri

- Hetta var ein góð og jøvn kapping. Móti Malta og Luksemborg tapa vit tíverri við einum máli, men talan er um javnar dystir, har vit spæla væl og koma til nógvar málmøguleikar. Í síðsta dystinum eru vit greitt omaná, og sigurin kundi saktans verið størri.

Soleiðis sigur Allan Smedemark við fsf.fo. Tvøramaðurin er høvuðsvenjari hjá U15-landsliðnum við gentum, sum síðstu dagarnar hevur tikið lut í UEFA menningarkapping á Malta. 

Málskjúttarinir (Mynd: FSF)

Móti Androrra legði Helena Holm Føroyar á odda 1-0, Sigrið Hansdóttir gjørdi tað til 2-0 og 3-0, áðrenn Rakul Madsen í 67. minutti sló sigurin rimmar fastan.

– Tað hevur verið stuttligt og gevandi at verið partur av hesum liðnum, og tað hevur eisini verið hugaligt at sæð, hvussu væl genturnar hava tikið ímóti tí, sum venjaratoymið er komið við. Sum fótbóltsspælarar hava tær ment seg nógv í ár, sigur Allan Smedemark við heimasíðuna hjá FSF.

Myndir: fsf.fo

Fleiri myndir frá Føroyar - Andorra (4-0) síggjast á fsf.fo