Agnar Prestá
Víkingur Reykjavík er á fyrsta sinni í einum evripsikum bólkaspæli - nú deildarspæli.
Fyrsta uppgávan í Conference League-deildarspælinum var á Kýpros í kvøldið. Gunnar Vatnhamar og Víkingur Reykjavík hildu málið reint til tíðliga í seinna hálvleiki. Tá løgdu favorittarnir seg á odda, men spenningur var í dystinum í 80 minuttir.
Seinastu løtuna skoraði heimaliðið tó tríggjar ferðir. Tað skrædnaði hjá Víkingi, ið tapti 4-0.
Gunnar Vatnhamar spældi allar 90 minuttirnar í miðverjuni. Føroyski landsliðsspælarin hevur uppgávu móti Stjarnuni sunnudagin, áðrenn leiðin gongur til Føroyar við landsliðnum.
Næsta uppgávan hjá Vìkingi Reykjavík í deildarspælinum er belgiska Cercle Brügge á heimavølli - í Kópavági.
Sí eisini: Gunnar og teir koma kortini ikki til Føroya at spæla
Vinarliga broyt tínar kennifíla - og privatlívsstillingar fyri at síggja hetta innihald