Flogbóltur: Føroyameistari í skúlaflogbólti fyri 3. flokkar finnast

Mánadagin 25. mars 2019 verður føroyameistarin í flogbólti fyri 3. flokkarnar funnin í Høllini á Hálsi.

Gjøgnum allan veturin hava Anna Frederiksen og Peter Morell, sum vóru við til at vinna Ársins Ítróttaátak, skipað fyri skúlakappingum í skúlaflogbólti runt alt landið.

Í alt 8 kappingar hava verið, har skúlar frá ymiskum økjum hava verið samlaði til kappingar, og tað eru vinnararnir av hesum økiskappingunum, sum nú møtast í Havn í morgin.

143 næmingar og 35 lið

Samanlagt verða tað 143 næmingar sum møtast, og sum koma at spæla á 35 liðum – øll spæla við og eingin situr uttanfyri – og er hetta eitt av høvuðsendamálunum við Flogbørnum, siga Anna og Peter í stuttari viðmerking.

Leirvíkar skúli hevði eisini tryggja sær rætt til finalurnar, men Leirvíkar skúli hevur givið avboð – tískil verða bert 7 skúlar við og ikki 8, sum upprunaliga ætlað.

Skúlarnir verða hesir:

Byrjað verður í Høllin á Hálsi klokkan 10.00, og spælt verður fram til klokkan 13.00, tá Føroyameistarin er funnin fyri 3. flokkarnar.