Emil Grønn Pedersen til HB

HB hevur tryggjað sær ein nýggjan áleypara til komandi kappingarár. Havnarfelagið boðar í dag frá, at tey hava gjørt avtalu við Emil Grønn Pedersen um at spæla í reyðum og svørtum í komandi kappingarári.

Emil hevur spælt við 07 Vestur hetta kappingarárið. Hann kom í Vágar við ársbyrjan frá norska felagnum Start. Emil Grønn Pedersen skoraði 9 mál í 27 dystum fyri 07 Vestur.