Agnar Prestá
Tríggir flogtúrar og ferðing í samanlagt eini 18 tímar. Hetta er við koyring í Føroyum og í Armenia og ikki minst við trimum flogtúrum og nakað av bíðitíð á flogvallum.
Føroyska manslandsliðið hevur hósdagin klokkan 17 ógvuliga týðandi uppgávu á skránni í Yerevan. Føroyar eru aftast í Nations League-bólkinum: Tvey stig aftanfyri Armernia og eitt stig aftanfyri Lettlandi. Neyðugt er at lyfta seg av aftasta plássinum fyri at vera vísur í at sleppa undan niðurflyting til Deild D, niðastu deildina, í Nations League.
Áðrenn føroysku spælararnir veruliga kunnu hugsavna seg um at stríðast móti armenum um týðandi stigini, so skulu teir koma ígjøgnum ein langan ferðadag.
Møtt verður á flogvøllinum í Vágum um eina løtu - stutt eftir klokkan sjey. Eftir ætlan verður farið á flog klokkan 8.20 í morgun. Síðani er ein stuttur steðgur í Kastrup, har viðføri skal innskrivast av nýggjum. Útisetarnir hittast eisini við hinum har, og seinnapartin skulu føroyingarnir til Frankfurt.
Í Týsklandi er støðgurin longri. Í kvøld skal flúgvast víðari til Yerevan. Hetta tekur heili fýra tímar. Yerevan er eisini fýra tímar frammanfyri Føroyar, so lent verður helst ikki í armenska høvuðsstaðnum eystanfyri fyrrenn umleið klokkan fýra lokala tíð.
Tað er umleið midnátt føroyska tíð. Harvið skulu spælararnir, sum hava vant/spælt nakað seinastu vikuna, í dag hava tol og fáa tíðina at ganga rætt, áðrenn veruligu fyrireikingarnar byrja í Armenia í morgin.
Hópurin:
Málverjar:
Bárður á Reynatrøð, Víkingur
Teitur Matras Gestsson, HB Tórshavn
Mattias Heðinsson Lamhauge, FC Fredericia
Verjuspælarar:
Jóannes Kalsø Danielsen, KÍ Klaksvík
Jann Julin Benjaminsen, B36 Tórshavn
Viljormur Davidsen, HB Tórshavn
Ási Dam, HB Tórshavn **
Andrias Edmundsson, Wisla Plock (Pólland)
Odmar Færø, KÍ Klaksvík
Gunnar Vatnhamar, Víkingur Reykjavík (Ísland)
Arnbjørn Svensson, Víkingur
Miðvallarar:
Hallur Hansson, KÍ Klaksvík *
René Shaki Joensen, KÍ Klaksvík
Noah Mneney, HB (leigaður úr FK Bryne) *
Hanus Sørensen, NK Celje (Slovenia)
Adrian Justinussen, Hillerød Fodbold (Danmark)
Sølvi Vatnhamar, Víkingur
Jóannes Bjartalíð, Fredrikstad (Noreg)
Brandur Hendriksson Olsen, Fredrikstad (Noreg)
Poul Kallsberg, Víkingur **
Framherjar:
Meinhard Egilsson Olsen, Mjøndalen IF (Noreg)
Petur Knudsen, NSÍ Runavík
Páll Andrasson Klettskarð, KÍ *
* Vóru ikki við seinast
** Fyri fyrstu ferð á A-landsliðnum
Nýggja venjaratoymi:
Høvuðsvenjari: Eyðun Klakstein
Hjálparvenjari: Atli Gregersen
Kropsligur venjari: Eli Nolsøe Leifsson
Málmansvenjari: Geza Turi
Greinari: Jákup Reinert Højgaard
Vinarliga broyt tínar kennifíla - og privatlívsstillingar fyri at síggja hetta innihald