Badminton: Føroyingar vunnu 10 heiðursmerki á Malta

Í døgunum 8. til 10. november luttók føroyska ungdómslandsliðið í badminton í altjóða kappingini Invitational Games á Malta, og føroyingar vunnu ikki minni enn tvey gull, trý silvur og fimm bronsuheiðursmerki.

Umframt Føroyar luttóku eisini Kýpros og Malta. Allir føroysku leikararnir vunnu heiðursmerki í kappingini, og vann ungdómslandsliðið seg í fýra av fimm finalum, har eina finalan var rein føroysk.

Umframt kappingina hava ungu badmintonleikararnir eisini havt venjingardystir móti vaksnu leikarunum og ungdómsleikarum úr Malta, skrivar Badmintonsamband Føroya.

Úrslit:
Einmansleikur kvinnur
Gull: Ranja Joensen
Bronsu: Birna Jacobsen

Einmansleikur menn
Silvur: Jafet Rasmussen
Bronsu: Markus Bjarnason
Bronsu: Sjúrður E. H. Eysturoy

Tvímansleikur kvinnur
Gull: Ranja Joensen og Oddbjørg í Buð Justinussen
Silvur: Birna Jacobsen og Julianna í Heiðunum

Tvímansleikur menn
Bronsu: Markus Bjarnason og Leiki Dal-Christiansen

Blandaður tvímansleikur
Silvur: Tóki Yngvason Guttesen og Ranja Joensen
Bronsu: Sjúrður E. H. Eysturoy og Eira Petersen