Hallur er ivasamur hósdagin

Yerevan, Armenia (Portalurin): - Fyri fyrstu ferð í 26 mánaðir er Hallur Hansson við á einum landsliðstúri.

Tveir álvarsamir knæskaðar, frával og annað hava lagt meinbogar í vegin seinastu stóru tvey árini.

Nú spøkir ein skaði aftur hjá 32-ára gamla miðvallaranum. 

Ímóti endanum av venjingini í gjár noyddist Hallur Hansson út, tí hann merkti eitthvørt í tjúkkanum.

Undan venjingini tosaði Hallur Hansson við Jógvan Skeel Nolsøe frá KVF (Mynd: Hans Erik Danielsen/FSF)

Um tað er eitt strekk, ein lítil fipur ella nakað heilt triðja er óvist, men Eyðun Klakstein hevur á tíðindafundi júst váttað, at Hallur Hansson er ivasamur til dystin móti Armenia í morgin.

- Hann venur ikki saman við hinum í kvøld. Hallur venur saman við fysioterapeutinum, og so fáa vit at síggja. Hann er eitt ivamál til dystin móti Armenia.

Føroyska liðið fer nú at venja á armenska tjóðarleikvøllinum, har spælt verður í annaðkvøld klokkan 17. Meira tilfar herfrá seinni.

Hallur Hansson hitar upp fyri seg

Hann og fysioterapeuturin Álvur Hansen vóru nakað fyri seg og gjørdu øvilsir, meðan hinir vandu á Vazgen Sargsyan Republican Stadium

Dagført: 16.55