H71 tekur ímóti grikskari mótstøðu um vikuskiftið

Klokkan 19 í kvøld og aftur sunnukvøldið klokkan 19 taka H71-kvinnur ímóti grikska A.C. PAOK í European Cup.

Báðir dystirnir verða leiktir á heimavølli í Hoyvíkshøllini.

H71 vann í oktober samanlagt 91-35 móti kypriotiska meistaraliðnum, Latsia. Men í triðja umfari móti A.C. PAOK verður sterkari mótstøða.

A.C. PAOK er eitt kent og sterkt lið úr Grikkalandi, við eini langari søgu innan hondbólt. Liðið hevur vunnið fleiri meistaraheiti og er kent fyri sítt sterka verjuspæl og ágrýtnu leikarar.

Tískil verður væntað, at hetta verður ein trupul uppgáva hjá hoyvíkskvinnum.

Til ber at fylgja gongdini í dystinum á okkara livescore-tænastu á Portal.fo forsíðuni.