Ljóð: Hallur hevði summarfuglar í Skopje

Skopje, Norðurmakedónia (Portalurin): Fyri fyrstu ferð í tvey og eitt hálvt ár spældi Hallur Hansson aftur landsdyst fyri Føroyar. 

32-ára gamli miðvallarin gekk fremst inn á Todor Proeski leikvøllinum. Hann hevur havt trupulleikar við tjúkkanum í vikuni - ikki tann besta upptaktin, staðfestir Hallur fyri Portalinum, og spældi hann 57 minuttir.

Miðvallarin kundi ikki nokta, at hann hevði eyka summarfulgar í búkinum undan landsdysti nummar 73. Persónliga merkti tað nógv fyri Hall at spæla.

Hallur Hansson í viðtalu við Portalin (Mynd:Tróndur Arge)

Nú sær hann fram til eina góða tíð við føroyska landsliðnum - hvørjum tað so verður undir. Royndi landsliðsspælarin hevur eisini rósandi orð til Eyðun Klakstein, Atla Gregersen og restina av fyribils toyminum.

Hoyr samrøðu við Hall Hansson niðanfyri:

Nations League deild C - bólkur 4, seinasta umfar
Todor Proeski leikvøllurin, sunnudagin 17. november
Norðurmakedónia - Føroyar 1-0 (0-0)
62' Bojan Miovski

Føroyar (5-4-1/3-4-3): Bárður á Reynatrøð - Jann Julin Benjaminsen, Odmar Færø, Gunnar Vatnhamar, Andrias Edmundsson, Viljormur Davidsen - Hanus Sørensen, Hallur Hansson (L), Brandur Hendriksson Olsen, Meinhard Egilsson Olsen - Petur Knudsen

Innskiftingar:
58' René Shaki Joensen fyri Hall Hansson
79' Jóannes Bjartalíð fyri Meinhard Egilsson Olsen - Páll Andrasson Klettskarð fyri Petur Knudsen
85' Sølvi Vatnhamar fyri Hanus Sørensen - Adrian Rúnason Justinussen fyri Brand Hendriksson

Endaliga støðan í bólkinum eftir seks umfør:
1. Norðurmakedónia 16 stig 
2. Armenia 7 stig
3. Føroyar 6 stig 
4. Lettland 4 stig 

Sí eisini: Tóku ikki av móti Norðurmakedónia