H71-kvinnur akkurát ov stuttar

Evropaævintýrið hjá H71-kvinnum er liðugt. Tað var um reppið, at H71 og grikska A.C. Paok skuldu út í brotskastkapping.

Fyrri dysturin millum liðini fríggjakvøldið tá hoyvíkskvinnur taptu við átta málum gjørdi tað trupult.

Í steðginum var støðan 14-15 til H71, og í seinna hálvleiki drógu hoyvískvinnur frá. Tá sjey minuttir restaðu í setti Anna Elisabeth Halsdóttir Weyhe brotskast í netið til støðuna 27-19 til H71 og tað stóð á jøvnum í samlaða roknskapinum.

Liðini skiftust eftir hetta um at skora, og spenningurin helt sær til síðsta sekund tá høgri vongurin Sevdili skoraði til 23-30. So var avgjørt, og grikska liðið vann samanlagt við einum máli, 54-53.

- Vit eru ræðuliga skuffaðar, men vit gjørdu alt vit kundu. Nú aftaná dystin kunnu vit hyggja hvørja aðra í eyguni, tí vit kempaðu. Men hetta er øgiliga keðiligt, segði Karina Debes Heinesen, við Sjúrð Hildarsson Hoydal í HSF Live aftaná dystin.