U19: - Mótstøðan var ov sterk

Spania, Eysturríki og Kosovo vóru ov sterk fyri føroyska U19-landsliðið við dreingjum, sum tapti allar tríggjar dystirnar í EM-undankappingini.

Hetta staðfestir Fótbóltssamband Føroya á heimasíðu sínari í dag.

– Vit vistu framman undan, at hetta fór at vera torført, men vit høvdu tó alla tíðina trúnna upp á, at vit kundu gera okkurt… Nú aftaná mugu vit so bara staðfesta, at mótstøðan var ov sterk.

Tað sigur Øssur Hansen, venjari hjá U19-landsliðnum við dreingjum. Síðstu vikuna hevur liðið Pristina í Kosovo.

Í fyrsta dystinum taptu Føroyar 3-0 fyri Spania, síðani 4-0 ímóti Eysturríki, og í síðsta dystinum taptu Føroyar 2-0 fyri Kosovo.

Les meira um seinasta dystin her: Føroyar fara heim uttan stig og uttan nakað mál

Kappingin í bólkinum var annars ógvuliga jøvn millum Eysturríki, Spania og Kosovo, sum øll endaðu við seks stigum í part. Men av tí at eysturríkar og spaniumenn høvdu betri málmun enn vertirnir, verða tað Eysturríki og Spania, ið fara víðari til annað umfar.

(Mynd: Fótbóltssamband Føroya)