Jann Benjaminsen aftur í NSÍ

NSÍ og Jann Benjaminsen hava í kvøld skrivað undir tvey ára sáttmála.

Hesum boðar NSÍ frá í kvøld.

Jann Julin Benjaminsen, sum annars er av Nesi, spældi árini 2016 til 2020 við NSÍ. Í 2021 fór hann til Norra og spældi tvey ár við IL Hødd. Seinastu tvey árini hevur 27 ára gamli Jann Benjaminsen spælt í Havn við B36.

Jann Benjaminen spældi við besta liðnum hjá NSÍ í fýra ár (Mynd: Sverri Egholm)

Nú vendir hann aftur til gulu troyggjuna og um støðurnar við Løkin í Runavík.

- NSÍ ynskir Jann hjartaliga vælkomnan heim í felagið, og fegnast um, at hann komandi tvey árini kemur at hava heimavøll við Løkin, skrivar felagið.