Føroyingar til útlendska Crossfit kapping

Fimm føroysk toymi luttóku síðsta vikuskiftið í Crossfit-kapping í Skotlandi.

Stóra kappingin var í Livingston og eini 70 lið vóru tilmeldaði. Øll liðini skuldu kappast í fýra ymsum kappingum og fingu føroysku liðini flott úrslit.

CrossFit er ein heldur nýggj ítrottargrein, ið samantvinnur nógvar ítrottargreinar so sum vektlyfting, úthaldni og fimleik, og leggur dent á funktionellar rørslur. Bæði í venjingum og kappingum verða allir íðkarar avbjóðaðir í styrki, úthaldni og skjótleika. CrossFit er harafturat kent fyri at skapa sterkan felagsskap fyri íðkarar sínar.

Kappingin varð deild upp í trý ymisk torleikastig: RX, RX’ish og Scaled. Føroysku toymini vóru í besta og næst-besta torleikastignum.

Úrslitini eru niðanfyri:

RX kvinnur
Jenny Persson & Kristina Thede: 4. pláss

RX menn
Bartal Kamban & Eyðun Højgaard: 6. pláss
Rói Agnarsson & Niels Áki Mørk: 7. pláss

RX’ish kvinnur
Jóhanna av Steinum & Tordis Tróndarson: 2. pláss
Barba Andreasen & Katrin Hovland: 5. pláss