EM-endaspælið byrjar í dag

Basel, Sveis (Portalurin): Í gjár kom føroyski EM-hópurin til triðstørsta sveisiska býin. Aðalroyndin í einum A-endaspæli hjá kvinnum nærkast av álvara, men tað verður ikki 28. november, á fyrsta EM-degnum, at Føroyar sleppa framat.

Tær skulu venja í dystarhøllini um middagsleitið lokala tíð. Seinni í kvøld verða tveir dystir í St. Jakobehalle. Teir eru í hinum bólkinum, sum er staðsettir í Basel.

Spælt verður eisini í hinum báðum vertslondunum: Ungarn (Debrecen) og Innsbruck (Eysturríki). Tríggir av teimum seks bólkunum fara í gongd.

Tað verður í annaðkvøld, at stóra leikhøllin í Basel helst fer at kóka. Pláss er fyri umleið 7.000 áskoðarum til endaspælsdystirnar har, og nógvir sveisarar vera helst til dystin í morgin, fríggjadagin 29. november (kl. 17), tá man fer eftir fyrsta endaspælssigrinum nakrantíð á kvinnusíðuni.

Sí eisini: Vænta umleið 400 føroyskir fjepparar í Basel

Sí eisini: Jana: Hugsavna okkum um uppgávuna - vóna at áskoðarnir fara at hugna sær

Tað gera tær í føroysku leguni eisini. Nakrir hundrað føroyskir útiáskoðarar fara í annaðkvøld at gera sítt, meðan føroysku kvinnurnar skulu bjóða vertunum "til dans". Væntað verður at Sveis er besta vónin at fáa søgulig(t) stig í 2024.

Sí eisini: Á gáttini til nýtt ævintýr

Føroysku kvinnurnar og føroysku áskoðarnir komu til Basel í gjár

Savnsmynd: Sverri Egholm

I dag skulu ungarsku vertirnir leggja fyri í Debrecen móti Turkalandi, sum eins og Føroyar er við til endaspæl á kvinusíðuni fyrsta sinni. Svøríki, ið vann okkara undanbólk, spælir eisini í Ungarn í kvøld.

Noreg skal royna at verja EM-gullið uttan Noru Mørk (við barn) og Stinu Bredal Oftedal (givin) - Eysturríki spælir frammanundan á sínum heimagólvi. Her í Basel kunnu millum annað fronsku heimsmeistararnir síggjast.

EM hjá kvinnum, november-desember 2024

Í dag, fríggjadagin 28.11
Bólkur A (Debrecen)
17.00: Ungarn - Turkaland
19.30: Svøríki - Norðurmakedónia

Bólkur C (Basel)
17.00: Spania - Portugal
19.30: Frakland - Pólland

Bólkur E
17.00: Eysturríki - Slovakia 
19.30: Noreg - Slovenia

Í morgin
Bólkur B (Debrecen): 
17.00: Rumenia - Kekkia
19.30: Montenegro - Serbia

Bólkur D: 
17.00: Sveis - Føroyar
19.30: Danmark - Kroatia

Bólkur F:
17.00: Niðurlond - Ísland
19.30: Týskland - Ukraina

Allar tíðirnar eru føroyskar

Yvirlit yvir føroyska hópin sæst við at trýsta á myndina

Les eisini: Miðalaldurin hjá Føroyum er beint omanfyri 23

Hoyr eisini (ljóð):
Fótbóltsspælarar og familja í Sveis og stuðla føroyska EM-liðnum 
Beinta tekur sær av vøddunum og menniskjanum

Meira úr føroysku leguni seinni í dag