Alda Nielsdóttir
Seinastu dagarnar hava Bjarnhild í Buð Justinussen (KBF) og Miriam í Grótinum (HBF/KBK) sum fyrstu føroysku badmintonleikarar luttikið í altjóða viðurkendari kapping í Wales.
Í kappingini, Welsh International Open kláraðu tær seg rættiliga væl, tá tær í sigraðu á bulgarska parinum, Tanya Ivanova, og Gergana Pavlova, sum vóru seedaðar sum nummar fýra í kappingini.
Í fyrsta settinum vóru Bjarnhild og Miriam aftanfyri, inntil hinar førdu 14-18, síðani vunnu tær 21-19. Í øðrum setti vunnu tær 21-14.
Í áttandapartsfinaluni møttu tær sterkum pólska parinum, Anna Czuchra, og Julia Piwowar, har tær mátti lúta fyri yvirvøldini, hóast tær í øðrum setti fylgdu væl við upp til 15-21.
Miriam kom eisini víðari úr fyrsta umfari í mix, har hon spældi saman við grønlendska liðfelaga sínum Maluk Tiger, sum eisini spælir við KBK á Østerbro.
Í einmansleiki spældi Miriam ein tættan tvey-settara ímóti skotsku Abbie Brooks, meðan Bjarnhild vann sín fyrsta dyst í einmansleiki 21-12, 21-9 ímóti ensku Sarah Preecee og tapti síðani 15-21, 13-21 ímóti eini aðrari sera góðari úr Onglandi, Chia Ning Hsu.
Tær báðar á føroyska landsliðnum koma sostatt aftur við góðum upplivingum og altjóða stigum við í skjáttuni, skrivar Badmintonsamband Føroya.
Vinarliga broyt tínar kennifíla - og privatlívsstillingar fyri at síggja hetta innihald